Kw'igenekerezo rya 4 Kigarama 2019, Nyakwubahwa  Umunyamabanga Ntayegayezwa w'Inama Nkuru y'Igihugu Ijejwe Umutekano,  Coloneli Petero Claver NZISABIRA (SP/CNS), afadikanije n'Umwunganizi m'Ubushikiranganji bw'Intwaro yo hagati mugihugu, Inyigisho zogukunda Igihugu hamwe n'Iterambere ry'abenegihugu, yabandanirije igikogwa co gukangurira abenegihugu gutsimbataza amahoro n'umutekano biciye muma komite y'umutekano ahurikiwemwo na bose yo mu ntara ya Bujumbura-Rural.

  

Muri iyo ntara rero, Nyakwubahwa  Umunyamabanga Ntayegayezwa w'Inama Nkuru y'Igihugu Ijejwe Umutekano,  Coloneli Petero Claver NZISABIRA, yaribukije kandi abari muma komite y'umutekano ahurikiwemwo na bose ko umutekano utakiri igikorwa c'igisoda n'igipolisi gusa ahubwo ko ari  uwumurundi wese, eka n’umunyamahanga aba muri kino gihugu. SP/CNS yasavye kandi ko abenegihugu bo kwama barikanuye mukumenyesha ico cose cobatera amakenga na cane cane ku mbibe ziyo ntara ya Bujumbura; yongera abibutsa gusuzuma ibisohoka n'ivyinjira. Yagarutse kandi kubijanye n'abaduza ibidandazwa bitemewe n'amategeko ko abenegihugu bokorana n'igipolisi mu guhagarika abo bantu bivuye inyuma. SP/CNS yaragarutse kandi kubijanye no gusuzuma udukaye tw'inzu (cahiers de ménages) akongera akanasaba gusuzuma bikwiye inzu z'ingenzi.

  

Nyakwubahwa  Umunyamabanga Ntayegayezwa w'Inama Nkuru y'Igihugu Ijejwe Umutekano,  Coloneli Petero Claver NZISABIRA (SP/CNS), yagarutse kandi kubijanye n'ibihuha bica hirya no hino, asaba abanegihugu gushira umutima munda ko atanzu iriko irasha kandi ari ibinyoma gusa kandi koimipaka icungerewe neza mu gihugu cose ari amahoro.

Mukurangiza, abari batavye iyo nama baronkejwe akanya ko kubaza ibibazo no guterera kuvyo bari bahejeje gushikirizwa.

  

FYONDA HANO URABE IJAMBO RYASHIKIRIJWE NA NYAKUBAHWA UMUNYAMABANGA NTAYEGAYEZWA W’INAMA NKURU Y’IGIHUGU IJEJWE UMUTEKANO, YASHIKIRIJE ABARI MU MANAMA Y’AMAKOMITE Y’UMUTEKANO AHURIKIWEMWO NA BOSE MURI BUJUMBURA-RURAL.

Inama yo gutsimbataza amahoro n'umutekano y'abandanirije mu ntara ya Rumonge kw'igenekerezo rya 3 kigarama 2019 ku mugwa mukuru w'iyo ntara nyene. Nyakwubahwa  Umunyamabanga Ntayegayezwa w'Inama Nkuru y'Igihugu Ijejwe Umutekano,  Coloneli P. Claver NZISABIRA, yagarutse kandi kubijanye no kubungabunga amahoro n'umutekano na cane cane mu guhanahana amakuru uko bitegerezwa no gusuzuma udukaye tw'inzu (cahiers de ménages) akongera akanasaba gusuzuma bikwiye inzu z'ingenzi.

  

Nyakwubahwa  Umunyamabanga Ntayegayezwa w'Inama Nkuru y'Igihugu Ijejwe Umutekano,  Coloneli P. Claver NZISABIRA, yibukije kandi ko intara ya Rumonge iri mu  zihana urubibe n’igihugu ca Tanzania,ko hari rero ibidandazwa bica mu mabarabara ndetse no mu mazi; aca asaba rero ko abarongoye abandi bokwama barikanuye kugira ngo amakori n’ama taxes vyose vyamuka ku rudandaza ruciye muri iyo mihora yinjire mu kigega ca Leta.

  

FYONDA HANO UKIRIKIRANE IJAMBO RYOSE RYA NYAKWUBAHWA  UMUNYAMABANGA NTAYEGAYEZWA W'INAMA NKURU Y'IGIHUGU IJEJWE UMUTEKANO,  COLONELI P. CLAVER NZISABIRA.

 Kw'igenekerezo rya 2 Kigarama 2019, Nyakwubahwa  Umunyamabanga Ntayegayezwa w'Inama Nkuru y'Igihugu Ijejwe Umutekano,  Coloneli Petero Claver NZISABIRA (SP/CNS), afadikanije n'Umwunganizi m'Ubushikiranganji bw'Intwaro yo hagati mugihugu, Inyigisho zogukunda Igihugu hamwe n'Iterambere ry'abenegihugu, yabandanirije igikogwa co gukangurira abenegihugu gutsimbataza amahoro n'umutekano biciye muma komite y'umutekano ahurikiwemwo na bose yo muri komine Nyanza-lac, Kibago na Mabanda vyo mu ntara ya Makamba.

   

Muri iyo nama Nyakwubahwa  Umunyamabanga Ntayegayezwa w'Inama Nkuru y'Igihugu Ijejwe Umutekano, Coloneli P. Claver NZISABIRA, yagarutse kandi kubijanye no kubungabunga amahoro n'umutekano, yibutsa ko umutekano atari uwaba polisi n'abasoda gusa, ahubwo ari uwabenegihugu bose n'abanyamahanga baba mu Burundi. SP/CNS yibukije kw'iyo ntara iri mu zihana imbibe n'igihugu ca Tanzanie, kw'ivyo rero bategerezwa kuba maso mugucungera uruja n'uruza rw'ibidandazwa n'abantu bica kurubibe mu kwirinda urudandazwa rutemewe n'amategeko (fraude). Yibukije kandi ko mu kubumbatira amahoro n'umutekano bokwirinda ibihuha bica ku mbuga ngurukanabumenyi kuko biri mubihungabanya umutekano.

  

Petero Claver NZISABIRA, yibukije kandi ko ama komite y'umutekano  ihurikiwemwo na bose atanumwe avuyemwo canke ngo akumirwe kandi ko bategerezwa guhanahana amakuru uko bitegerezwa mukwama na ntaryo kwitwararika kuzitira tutaronerwa.

Imbere yuko iyo nama irangira, abari bayitavye baronse akaryo keza ko gushikiriza ibibazo n'ivyifuzo vyabo.

FYONDA HANO KUGIRA UKURIKIRANE IJAMBO NYAKWUBAHWA  UMUNYAMABANGA NTAYEGAYEZWA W'INAMA NKURU Y'IGIHUGU IJEJWE UMUTEKANO,  COLONELI P. CLAVER NZISABIRA YASHIKIRIJE.

Kw'igenekerezo rya 27 na 28 Munyonyo 2019, inyuma y'intara za Cibitoke na Bubanza, Nyakwubahwa  Umunyamabanga Ntayegayezwa w'Inama Nkuru y'Igihugu Ijejwe Umutekano,  Coloneli P. Claver NZISABIRA, yifatanije n'Umwunganizi m'Ubushikiranganji bw'Intwaro yo hagati mugihugu, Inyigisho zogukunda igihugu hamwe n'Iterambere ry'abenegihugu, yarabandanije ibikorwa agizemwo imisi co gukangurira abarundi ngo batsimbataza amahoro n'umutekano biciye muma komite y'umutekano ahurikiwemwo na bose yo mu ntara ya KAYANZA na KIRUNDO.

  

Muri izo ntara za Kayanza na Kirundo,  Umunyamabanga Ntayegayezwa w'Inama Nkuru y'Igihugu Ijejwe Umutekano, yarasubiye aributsa abari bitavye izo nama ko umutekano uraba umuntu uwari wese kandi ariwo soko ry'iterambere.Yaciye ahamagarira abitavye izo nama kwama barikanuye  na cane cane muri iki gihe twimirije amatora ya 2020 kuko hariho  abansi bifuza kuyatoba kandi baticaye. Afatiye kukuntu  abanyakirundo batari bake bataye igihugu cabo mu mwaka w'2015 bivuye kubihuha, Nyakwubahwa  Coloneli P. Claver NZISABIRA, yarasavye abanyakirundo kurwanya n' ukwima amatwi ibihuha aho bituruka hose. Vyongeye yarasavye inyabune kurwanya yivuye inyuma abanyuruza itunga ry'igihugu, abakora urudandazwa gwa magendo (fraude) hamwe n'abaduza ibiciro bidaciye mu mategeko cane cane kw'isima ya BUCECO hamwe n'umwavu w'ikizungu.

  

Mu guheraheza,  P. Claver NZISABIRA, yasavye  abenegihugu gukunda igihugu cabo, kugwiza umwimbu aca yongera abifuriza n' umwaka mwiza w'2020.

  

Izo nama, zikaba zasozerewe n' ibibazo bijanye n'umutekano vyashikirijwe nabitavye ayo mahuriro.

  

 

Kw'igenekerezo rya 26 Munyonyo 2019, Nyakwubahwa  Umunyamabanga Ntayegayezwa w'Inama Nkuru y'Igihugu Ijejwe Umutekano,  Coloneli P. Claver NZISABIRA, yifatanije n'Umwunganizi m'Ubushikiranganji bw'Intwaro yo hagati mugihugu, Inyigisho zogukunda igihugu hamwe n'Iterambere ry'abenegihugu, yakoresheje inama abagize amakomite y'umutekano ahurikiwemwo na bose yo muma komine  agize intara ya Bubanza arizo Gihanga, Mpanda, Bubanza, Musigati na Rugazi.

 

PUBLICATIONS

juillet 2020
lmmjvsd
12345
6789101112
13141516171819
20212223242526
2728293031
Copyright © 2020 SPCNS-Burundi. Tous Droits Réservés.
Conçu et Réalisé par BD HOPE COMPANY